Telegram: Oddiy, tez va xavfsiz messenjer
Telegram — bu oddiy, tezkor, xavfsiz va barcha qurilmalaringizda sinxronlanadigan sof lahzali xabarnoma almashish ilovasi. 1 milliarddan ortiq faol foydalanuvchisi bilan dunyodagi eng ko‘p yuklab olingan top-5 ilovadan biridir.
TEZKOR: Telegram dunyo bo‘ylab tarqalgan noyob ma’lumotlar markazlari tarmog‘i orqali odamlarni bog‘laydigan bozordagi eng tezkor messenjerdir.
SINXRONLANGAN: Siz xabarlaringizga bir vaqtning o‘zida barcha telefon, planshet va kompyuterlaringizdan kirishingiz mumkin. Telegram ilovalari mustaqil ishlaydi, shuning uchun telefoningizni tarmoqqa ulangan holda saqlashingiz shart emas. Bir qurilmada yozishni boshlang va xabarni boshqasida tugating. Ma’lumotlaringizni hech qachon yo‘qotmaysiz.
CHEKSIZ: Siz media va fayllarni ularning turi va hajmiga hech qanday cheklovlarsiz yuborishingiz mumkin. Butun chat tarixingiz qurilmangizda disk joyini talab qilmaydi va sizga kerak bo‘lgunga qadar Telegram bulutida xavfsiz saqlanadi.
XAVFSIZ: Biz foydalanish qulayligi bilan birga eng yaxshi xavfsizlikni ta’minlashni o‘z oldimizga maqsad qilib qo‘yganmiz. Telegram’dagi barcha narsalar, jumladan chatlar, guruhlar va media fayllar 256 bitli simmetrik AES, 2048 bitli RSA va Diffi-Xellman xavfsiz kalit almashinuvi kombinatsiyasidan foydalangan holda shifrlanadi.
100% BEPUL VA OCHIQ: Telegram dasturchilar uchun to‘liq hujjatlashtirilgan va bepul API, ochiq manbali ilovalar va tekshirilishi mumkin bo‘lgan tuzilmalarga ega.
KUCHLI: Siz 200 000 tagacha a’zosi bo‘lgan guruh chatlarini yaratishingiz, har biri 2 GB gacha bo‘lgan har qanday turdagi yirik videolar va hujjatlarni (.DOCX, .MP3, .ZIP va h.k.) ulashishingiz hamda muayyan vazifalar uchun botlarni sozlashingiz mumkin.
ISHONCHLI: Telegram xabarlarni imkon qadar kam ma’lumot sarflagan holda yetkazib berish uchun qurilgan bo‘lib, u eng kuchsiz mobil aloqa sharoitida ham ishlaydi.
QIZIQARLI: Telegram’da kuchli foto va video tahrirlash vositalari, animatsion stikerlar va emojilar, ilova ko‘rinishini o‘zgartirish uchun to‘liq moslashtiriladigan mavzular mavjud.
MAXFIY: Biz sizning maxfiyligingizga jiddiy qaraymiz va hech qachon uchinchi shaxslarga ma’lumotlaringizga kirish huquqini bermaymiz. Siz har qanday yuborilgan yoki qabul qilingan xabarni har ikki tomon uchun istalgan vaqtda izsiz o‘chirib tashlashingiz mumkin.
Barcha versiyalar
